काठमाडाैं, ३ साउन २०७८ ।

काठमाडौँ महानगरपालिकाले सार्वजनिक जग्गा संरक्षण गर्न वृक्षारोपण थालिएको छ । हरियाली वृद्धि गर्ने नीति अनुरुप बर्खाको समय पारेर कामपा प्रमुख विद्यासुन्दर शाक्यले शनिवार वडा १२ ह्युमत विष्णुमती नदी किनाराबाट विरुवा रोप्ने काम सुरू गर्नुभएकाे हो ।

उहाँले रोप्नुभएको थियो । वातावरण विभागले बर्खायाममा सार्दा छिट्टै हुर्कने जातका विरुवा रोप्न थालेको हो ।

परिवर्तन सम्भव छ र भइरहेने बिचारका साथ समाजका आवश्यकता पूरा गर्न अझै पनि काम गर्न बाँकी बताउँदै उहाँले भन्नुभयाे, ‘सार्वजनिक जग्गा संरक्षण गरेर हरियाली बढाउने हाम्रो नीति हो । नीतिअनुरुप सार्वजनिक निकाय र समुदायसँगको सहकार्यमा विरुवा रोप्ने काम भएको छ ।’

साना विरुवा हुर्काउन गाह्राे हुने बताउँदै कम्तीमा ५ फिटभन्दा अग्ला विरुवा रोपेकाे र त्यहि नै मापदण्ड बनाएकाे उहाँले भन्नुभयाे ।

हरियालीले सहरी सुन्दरता बढाउन नियमित र विशेष सरसफाइ गर्ने, दृश्य प्रदुषण गराउने बस्तुको प्रदर्शन रोक्न तथा भएकालाई हटाउने काम भइरहेको छ ।

महानगरले वडाहरुसँग समन्वय गरेर यो बर्खामा २ हजार ५ बढी विरुवा रोप्ने योजना बनाएको छ । वातावरण विभागका प्रमुख हरिकुमार श्रेष्ठकाअनुसार आज अभियान थाल्दै शिरिष, कपुर, कल्की र चाँप जातका करीव १३० विरुवा रोपिए ।

विरुवा रोप्नु जत्तिकै महत्वपूर्ण काम यसको संरक्षण गर्नु पनि हो । यसका लागि बारबेर, मल र पानीको उचित प्रबन्ध गर्नुपर्छ । श्रेष्ठ भन्नुहुन्छ, यसका वडा र समुदायसँग समन्वय गरेर कार्यक्रम सफल बनाउँछौँ ।

कार्यक्रममा वडाध्यक्ष, वडा सदस्य, महानगरका विभागीय प्रमुखहरु तथा स्थानीयहरुले विरुवा रोप्नुभएको थियो ।