काठमाडाैं, २ भदाै । वाग्मती प्रदेशका मुख्यमन्त्री डोरमणि पौडेलले राजीनामा दिएका छन्।

बागमती प्रदेशको सत्ता पक्षले संसदीय दलको नेता परिवर्तन गरे लगतै उनले राजीनामा दिएका हुन् ।

पौडेलको राजीनामापछि बसेको संसदीय दलको बैठकले प्रदेशसभा सदस्य तथा एमाले नेत्री अष्टलक्ष्मी शाक्यलाई संसदीय दलको नेता चयन गरेको छ ।

प्रस्तावमा एमालेले दलको नेतामा एमाले नेत्री शाक्यलाई सर्वसम्मत चयन गरेको संसदीय दलका मुख्य सचेतक दीपक निरौलाले जानकारी दिए ।

संसदीय दलको नेतामा चयन गरेको पुष्टि गर्दै नेत्री शाक्यलाइ पूर्व शिक्षामन्त्री कृष्णगाेपाल श्रेष्ठले सामाजिक सञ्जालमार्फत शुभकामना व्यक्त गरेका छन् ।

बागमती प्रदेशको संसदीय दलकोआज बसेकाे बैठकले दलकाे नेतामा नेकपा (एमाले ) का उपाध्यक्ष माननीय कमरेड अष्टलक्ष्मी शाक्य सर्बसम्मत निर्वाचन हुनु भयो। हार्दिक बधाई तथा कार्यकाल सफलताको शुभकामना।

शुभकामना दिनेक्रममा वाग्मती प्रदेशसभा सांसद राजेशकाजी शाक्यले अष्टलक्ष्मी शाक्यलाई सामाजिक सञ्जालमार्फत बधाइ एवं कार्यकालकाे शुभकामना दिएका छन् ।

त्यस्तै वाग्मती प्रदेशसभा सांसद डा. अजय क्रान्ति शाक्यले सामाजिक सञ्जालमार्फत बधाइ दिएका छन् । नेकपा (एमाले ) बागमती प्रदेश संसदीय दलकाे नेतामा पार्टी उपाध्यक्ष कमरेड अष्टलक्ष्मी शाक्य चयन हुनु भएकाेमा हार्दिक बधाई छ ।